Diasille dei vivi

(Popolare)

Diasille diasille testa d'asino e cote di 'nguille
disse lu predde di Pelagrille si 'stì murte ne fusse mille
se ne candere di diasille.

Chelle che more di mmalatie chelle more 'mmane a Ddije
ci s'accide ci si scanne li pridde cande tutta l'anne,
o si salva o s'adanne a li quatrini l'arcummanne.

Diasille lacrimoso si lu sinde quand'è curioso
tutti quande si vo' 'rfà lu sposo e la bbiangheria 'nze na fatte cose.

Lu patre e lu patrone come che fa sembre à rraggione,
questo è lu monne che Ddijo ci ha dato
chi magne semblice e chi salato

Questo è lu monne che sta fatto a scale
ci lu suve e ci lu cale, questa è la legge de lu tribbunale
ci ffa bbene ritrova male.

Pane e vino simbre vinghe e stu monne si mandinghe,
Sanda Matre Addellurate che sci sande e ringraziata
chi stu sole ha calate aveme combiute la jurnate.

Li pulledre e li vitelle come che fa je pare belle
si zomba li porte e li cancelle che lu corre si sgadelle,
lo' nga rripa si spatelle.

Se ne ve lu mese d'Agoste, tutte li puvere si coce arroste,
ci chi lu 'grane e ci cchi lu mmoste, tutti paga' dendro Agoste.

Li mercande e li padrune li chiama a lu conde a une a une,
s'à pagate ha 'rraggiune sennò l'uscirre di lu cummune
je 'mbisce lu cule di 'gnizziune.

Tutte l'iscine che va a vitture la vita sò poche je dure,
tutti li cariche senza misure je l'abblatte sopra senza paura
e se crepa 'nze ne cure.

Dopo che l'asene ha crepate l'arporte a lu patrone che je l'à 'mbrestate
je l'arporte tutte scorticate, frechete a te e cci mmi t'à date.

Lu cafone che la coccia tosta 'nzi vo' move dà lu sò poste,
vo' morì lo ddov'à nate simbre lo vo' sta 'llucate,
passa li mise e passa li 'nnate mai ninde à 'uadagnate.

Diasille diasille li carucce quann'è zille,
pe' senza cose simbre strille, a la mamma je s'arngrille,
a chelle je ce arvè li diasille, je dà di mane appe' li capille.

Lu superbe e lu gnurande non rispetta nisciuna sande
lu disperate na à bbisugne e lu sfacciate'nzì vregugne.

Ci gnì piace a lavurà che lu scarfugne vo' cambà
vete la ggende di litigà subbite corre si, si va 'ffaccià
se da testimonie putesse fa' 'mbù di quattrine pe guadagnà.

Lu povere mmalate sta lla lu lette condannate,
povera vita disgraziata tutte l'osse scurticate,
nghe li dinde mandè lu fiate, prega la Madonna Addellurate
che nun fosse abbandunate.

Passa li jurne e passa l'ore la mmalatie si fa maggiore,
chiama lu medico o lu duttore je trova la febbre superiore:
“Questo nin gambe presto si more”.

Li medicine che j'ha urdinate è quatrine tutte sprecate,
la malattije l'à trapassate, a la morte l'ha cundannate;
Ddjo lu salve da li peccate, da stu monne s'à libberate.

Diasille di stu regne ci la studje ci la disegne,
ci ti tira e ci ti spegne se ti pò frecà tutti si 'mbegne.

Ci sta male te' lu dulore, su la fronde te' lu fucore
llà 'llu stommache te' lu pesore, jù lla panza te' lu 'ngennore,
e llà 'llu cule je fa rumore.

Ci va a spasse va ben vestute, e ci fatije va schizze e nude,
ci fa li buscije è ben volute e ci dice la verità manghe è credute.

Quanne li coste va mije da li piane, quanne lu lebbre vodde arrete a lu cane,
quanne la moje mene a lu marite, allora lu monne s'à finite.

Li giudice e li prisidinde preghe che litighe tutti quinde;
arriva' li scirre e li 'vvucate te ne fa na scurticate.

Li mitiche e li spiziile prega che stasse tutti mile,
pure li pridde e li sacristine prega' la morte a li cristijne.

Li bbrunghite e li pulmunije 'ccite li ggende a mmaravije;
li catirre e li rachije pi li cristijne è 'na 'llegrije,
pure li dibbete e li 'mmalatije è 'na ricchezza pi li famije.

Le olbe di cambagne acchiappa li galline e se li magne
e chille di lu pajese se ne magne vendi a lu mese,
senza schirne e senza pite ni' fa arsajì se 'nze la finite.

Li ggiuvinette che te' lu spose sa da mette lu profume jù la rose;
quanne lu spose và 'ddurà: "Oh che 'ddore bbone mi dà'"

Diasille diasille chi sta sotto sempre strilla
chi sta sotto ci'aripose diasille lacrimose

Stu diasille che so' 'rcitato sia sembre arcummannato
a ci t'è li dibbite e n'à pagate a via di chigge o di zambate
lu porta direttamente carcerato... così sia